BUUKEM TĖKRĖ I TVĖRTĖ ŽEMAITEE!

SAM 0975Labaa graaži ketvergas rytmeti (lapkrite 28 d.) ketvėrtuokaa skobiejė i Pluungė. Turiejuom nusigautė i Plungės Vyskopa Motiejaus Valončiaus pradėnė mokykla, kor, kap kėkvėinas metas, vykst susiejėms „Esame verti vadyntėis Vyskupa vakaas“. Mildelė, Ruobertelė, Saulios i Luks bova išrynktė i komand, vo kėtė dalyvava kap sėrgalee. Mokyklas Gaspadėnė anus gražee prijiemė, bet i kalvarėškee atsidiekavuojė: padainiava sava sokorta daina aplink sava mistieli, patis pašuoka i kėtus pašokdėna.

Per patis rungtis reikiejė sokortė jouka so žemaitškaas žuodees, didle daug žinuotė api Vyskupa Motieju Valončiu. Komandaa darba neptitruuka. Bet i sėrgalee nesiediejė nuosės nukabėnė. Anej i žaidė, i dainiava, i sokerku paragava. Pabaiguo vėsė bova apdovanuotė, vėsė patenkintė, ka galietė  savi paruodytė i kėtus paveizietė.

                                               
Mokyt. Irma Gedgaudienė

SAM 0969 SAM 0977 SAM 0979 SAM 0984